Homeවිදේශීය පුවත්අදානි සැර වෙයි - සේවක රැකියා අනතුරේ

අදානි සැර වෙයි – සේවක රැකියා අනතුරේ

ඉන්දීය හිමාචාල් ප්‍රදේශ් ප්‍රාන්තයේ ස්ථාපනය කර ඇති සිමෙන්ති නිෂ්පාදන කර්මාන්ත ශාලාවක් හදිසියේ වසා දැමීමට එරට ප්‍රමුඛ සමාගමක් වන අදානි සමාගම තීරණය කර තිබේ.

ඒ හේතුවෙන් එම ප්‍රදේශයේ විශාල පිරිසකට රැකියා අහිමිවී ඇති බව වාර්තා වෙයි.

ලොව තෙවැනි ධනවත්ම පුද්ගලයා වන ගෞතම් අදානි හිමිකාරීත්වය දරන අදානි සමාගම විසින් එම සිමෙන්ති කර්මාන්ත ශාලා පසුගිය සැප්තැම්බර් මාසයේදී මිලදී ගෙන තිබුණි.

නමුත් ඉන් ටික කලකට පසු සිමෙන්ති ප්‍රවාහන සංගම් සහ අදානි සමාගම අතර ගාස්තුව සම්බන්ධයෙන් මතභේදයක් ඇතිවිය.

සමාගම පවසන්නේ ප්‍රවාහන වියදම් අධික වීම හේතුවෙන් කර්මාන්ත ශාලා වලින් පාඩු සිදුවන බවය.

එහි සේවය කරන 2,000 – 3,000ක් පමණ සේවකයින් පිරිසකට සහ වක්‍රාකාරව සිය ජීවන වියදම සරි කර ගන්නා 10,000-15,000ක පමණ විශාල පිරිසකට කර්මාන්ත ශාලා වසා දැමීම හේතුවෙන් දැඩි බලපෑමක් සිදුව තිබේ.

මෙම සිමෙන්ති කර්මාන්ත ශාලා ගොඩනැගීම සඳහා එම ප්‍රදේශයේ ගම්මානවල පිහිටි ඉඩම් පවරාගෙන තිබුණි.

එබැවින් සිමෙන්ති ප්‍රවාහනයේ ප්‍රමුඛත්වය තමන්ට හිමිවිය යුතු බව ගම්වාසීන් පවසයි. ඔවුන් පිටස්තර නගරවලින් සිමෙන්ති ප්‍රවාහනය සඳහා ට්‍රක් රථ යෙදවීමට ඉඩ නොදෙයි.

මේ වනවිට සිමෙන්ති ටොන් එකක් කිලෝ මීටරයක් ප්‍රවාහනයට ඉන්දීය රුපියක් 11ක් අයකරයි. නමුත් අදානි සමාගම පවසන්නේ එය රුපියල් 6ක් දක්වා අඩුවිය යුතු බවය.

ජනප්‍රියතම පුවත්
Related News

LEAVE A REPLY

Please enter your comment!
Please enter your name here