මධ්‍යම ආසියාව සංවර්ධනය කිරීම සඳහා චීන ජනාධිපති ෂී ජින්පින් විසින් සුවිශේෂී සැලැස්මක් එළිදක්වා තිබේ.
එහි අරමුණ වන්නේ එම කලාපයට නායකත්වය සැපයීම මෙන්ම වෙළෙඳාම දියුණු කිරීම බව විදෙස් මාධ්‍ය පවසයි.
නමුත් මධ්‍යම ආසියාව සාමාන්‍යයෙන් රුසියානු බලපෑමට ලක්වූ කලාපයකි.
චීන ජනාධිපතිවරයා පැවසුවේ කසක්ස්තානය, කිර්ගිස්තානය, තජිකිස්තානය, තර්ක්මෙනිස්තානය සහ උස්බෙකිස්තානය ට නූතනත්වය හඳුන්වාදී එය ප්‍රවර්ධනය කරන බවය.
ඔහු මේ බව පැවසුවේ චීනයේ පැවති චීන – මධ්‍යම ආසියා සමුළුව අමතමිනි.
එම රටවල් 5 සමග සබඳතා තර කරගැනීම චීනයට වාසිදායකය.
ඒ යම් හෙයකින් අනෙකුත් කලාපවල යම් හෝ බාධා ඇතිවුවහොත් ඉන්ධන, ආහාර සහ අනෙකුත් අත්‍යවශ්‍ය ද්‍රව්‍ය ප්‍රවාහනයට අවශ්‍ය විකල්ප ප්‍රවේශ මාර්ග එමගින් චීනයට විවෘතවීමය.
