Homeක්‍රීඩා පුවත්සත්කාර රාජ්‍ය පරදවා පළමු ජය ඉක්වදෝරයට

සත්කාර රාජ්‍ය පරදවා පළමු ජය ඉක්වදෝරයට

ලෝක කුසලාන පාපන්දු තරගාවලියේ පළමු තරගයේ ජය ඉක්වදෝරයට හිමිව තිබේ.

ඒ අනුව, ලෝක කුසලානයේ සමාරම්භක තරගයේදී සත්කාරක කටාර් කණ්ඩායම පරාජය කරමින් ගෝල 2ට 0ක ජයක් ලැබීමට ඉක්වදෝරය සමත්වුණි.

සත්කාරක කණ්ඩායමක් ලෝක කුසලාන තරගාවලියක ආරම්භක තරගය පරාජය වූ පළමු අවස්ථාව ලෙස මෙය සඳහන් වෙයි.

මේ අතර මුළු ලෝකයේම ක්‍රීඩා ලෝලීන්ගේ අවධානය දිනූ ලෝක කුසලාන පාපන්දු තරගාවලිය කටාර් හිදී ඊයේ (20) ආරම්භ වුණි.

කටාර් හි අගනගරය වන දෝහා නගරයේ ඇති අල් බයිට් ක්‍රීඩාංගණයේදී උත්කර්ෂවත් සමාරම්භක උළෙලකින් තරගාවලිය ආරම්භ කෙරුණි.

ප්‍රේක්ෂකයින් විශාල පිරිසකගේ සහභාගීත්වයෙන් පැවති සමාරම්භක උළෙල සංස්කෘතිකාංග රැසකින් වර්ණවත් වුණි.

අමෙරිකානු ප්‍රවීන රංග ශිල්පියෙකු වන මෝගන් ෆ්‍රීමන් විසින් බලාපොරොත්තුව, ඉවසීම සහ එකමුතුකම සම්බන්ධයෙන් වු විශේෂාංගයක් ඉදිරිපත් කළේය.

මැද පෙරදිග කලාපීය රටකදී ලෝක කුසලාන පාපන්දු තරගාවලියක් පැවැත්වෙන පළමු වතාව වන මෙහිදී විදෙස් ගායක ගායිකාවන් ඇතුළු කලාකරුවන් විසින් නර්තන සහ ගීත ඉදිරිපත් කෙරුණි.

එහිදී දකුණු කොරියාවේ BTS සංගීත කණ්ඩායමේ ගායකයෙකු වන ජුන්ග් කුක් සමාරම්භක උත්සවයේදී ඔහුගේ නව ගීතය එළිදැක්වු අතර ඔහු සමඟ කටාර් ජාතික ගායකයෙකුද එක් වෙමින් සමාරම්භක උත්සවය වර්ණවත් කළේය.

අනතුරුව 22 වන පාපන්දු ලෝක කුසලානය තරගාවලිය ආරම්භ වූ බව නිල වශයෙන් ප්‍රකාශයට පත් කළේය.

ජනප්‍රියතම පුවත්
Related News

LEAVE A REPLY

Please enter your comment!
Please enter your name here